Services

*స్వార్థాన్ని వీడండి*
*Posted on 13TH NOV 2021.*

బ్రాహ్మణ సమాజానికి *గిరి ప్రసాద్ శర్మ హితవు*

ప్రస్తుత సమాజంలో లో బ్రాహ్మణ సామాజిక వర్గానికి చెందిన ఎంతోమంది పేద మధ్యతరగతి కుటుంబాల బ్రాహ్మణులకు వివిధ సంఘాల ద్వారా ట్రస్టు ద్వారా మరియు బ్రాహ్మణ సంక్షేమ భవన్ ద్వారా ఎన్నో రకాలైన సేవలను నిరంతరం అందిస్తూనే ఉన్నారు.

దురదృష్టకరం ఏమిటంటే ప్రతి బ్రాహ్మణ సంఘం బ్రాహ్మణ పెద్దలు బ్రాహ్మణ సంక్షేమ భవన్ సేవలను విస్తృత పరచడం తద్వారా బ్రాహ్మణ కుటుంబాల సంక్షేమానికి మంచి బాట వేయడం చేస్తున్నాయి అయితే బ్రాహ్మణ లబ్ధిదారులను ఎంచుకోవడం మాత్రం పెద్ద తలనొప్పిగా మారింది. సంపన్నులైన వారు మరియు సంపాదన ఉన్నవారు సైతం సహాయం కావాలని చేతులు చాపడం వల్ల నిరుపేదలైన మరియు మధ్యతరగతి బ్రాహ్మణ కుటుంబాలు ఈ యొక్క సహాయాలను సరిగ్గా పొందలేని పరిస్థితి.

దీనికి ప్రత్యేక కారణమేమంటే వాట్సాప్ లో మరియు మీడియాలో వచ్చే ప్రకటనలు చూసి చేతికి ఉంగరాలు వాహనాలు ఉన్న సంపన్న వర్గం మరియు ఆదాయం ఉన్నా కూడా కక్కుర్తి పడే బ్రాహ్మణులు అధిక శాతం ఉండడం వల్ల సేవ చేసే వారికి తీవ్రమైన ఆటంకాలు ఎదురవుతున్నాయి. పైగా ఇవన్నీ పట్టించుకోకుండా ఒక చోట సహాయం పొంది మరొక చోటికి కూడా కార్లు ఆటోలు వేసుకుని సహాయం పొందడానికి ఈ యొక్క హుషారు గాళ్ళు తయారవుతుంటారు.

బ్రాహ్మణ సంఘాలు బ్రాహ్మణ సంక్షేమ భవన్ అలాగే బ్రాహ్మణ పెద్దలు వారి ఆలోచన ఏమిటంటే ఆదాయం సరిగా లేని బ్రాహ్మణ కుటుంబాలకు తమ సహాయాన్ని అందజేయడం…. కానీ తమకు ఉన్న కూడా కక్కుర్తిపడి సహాయం కోసం చేతులు జాబు తున్న వింత మనస్తత్వం గల వారి ప్రవర్తన వల్ల సహాయం చేసేవారు కూడా చేయడానికి వెనుకంజ వేస్తున్నారు.

బ్రాహ్మణ సంఘాల కాకుండా వ్యక్తిగతంగా తమ తమ పరిధిలో సహాయాలు చేస్తున్నా ఎంతోమంది ఉన్నాకూడా లేని వారిలాగా తమను మోసం చేశారని వాపోతున్నారు.

మరొక విచిత్ర కరమైన బాధాకరమైన విశేషమేమంటే

చేయి చాపడం లేదా ఒకరితో అడగడానికి మొహమాటం ఉన్నవారు లేదా సొంతంగా కష్టపడాలి అనుకునేవారు కూడా చాలామంది ఉన్నారు వారు భోక్తలు గాను వడ్డన కోసం మరియు వంట బ్రాహ్మణులుగా కష్టపడి సంపాదిస్తున్నారు అయితే అవకాశం ఉన్నా కూడా కష్టపడకుండా కేవలం సహాయాలు ఎక్కడ లభిస్తాయి అని తెలుసుకుని అక్కడ వాలిపోవడం సహాయాన్ని పొందడం పొందిన తర్వాత సహాయాలు చేసేవారిని అత్యంత నికృష్టమైన పనికిమాలిన మాటలతో కించపరచడం చేస్తున్నారు. *తల్లి పాలు త్రాగి రొమ్ము గుద్దడం అంటే ఇదే అనుకుంటా బహుశా* కొద్దిమంది తమ అర్హత తమ స్తోమత తమ స్థాయి మరచిపోయి సేవ చేస్తున్న పెద్దలను సంఘాలను నోటికి వచ్చినట్టు మాట్లాడడం మరియు అనుమానించి *వీరు ఎంత తిన్నాక మాకు సహాయం చేస్తున్నారో* అన్న భావనలో బతుకుతున్నారు.

కొంతమంది తమకు తామే మేధావులుగా ప్రకటించుకుంటూ, ఇంట్లో తినడానికి లేకుండా కూడా తలనిండా అహంకారంతో నోటికి వచ్చినట్లు మాట్లాడటం సేవ చేసే వారిని చాలెంజ్ లు చేయడం చేస్తున్నారు.

వీరికంటే అధములుగా కొంతమంది బ్రాహ్మణ ద్రోహం చేస్తున్నారు వారు ఎలాంటి వారంటే ఎవరైనా సేవలు చేస్తున్నారు అంటే వారి వద్దకు కావాలని పరీక్షించడానికి తమకు సంబంధించిన కొంత మందిని పంపి అడగకూడని కోరికలు అడిగి పెంచి వారు కాదన్నప్పుడు నిందించడం మరియు సోషియల్ మీడియాలో విష ప్రచారం చేయడం చేస్తున్నారు ఇలాంటి వారు బ్రాహ్మణ ద్రోహులుగా మిగిలిపోతున్నారు

ఇక మిగిలింది *అపర మేధావి వర్గం* అనగా ఒక బ్రాహ్మణ సంఘం లేదా బ్రాహ్మణ సంక్షేమ భవన్ లేదా బ్రాహ్మణ పెద్దలు ప్రకటించిన సేవలను పూర్తిగా చదవకుండా ఆ సేవలను తమకు అనుగుణంగా మార్చుకుని చదువుకుని ఆ సేవలు చేసే వారిపై దాడులు చేయడం అవమానించడం విపరీతమైన ఆవేశాలను ప్రదర్శించడం చేస్తుంటారు.

బ్రాహ్మణ సంఘాల సమన్వయ లోపంతో లబ్ధిదారులు పలు సంఘాలతో సేవలు పొందడానికి ప్రయత్నం చేస్తున్నారు కారణం *ఒక సంఘానికి తెలియకుండా మరో సంఘం వద్ద లబ్ధి పొందడం వీరి ఆలోచన.*

కనుక బ్రాహ్మణ సేవలను అందిస్తున్న అందించబోతున్నారు *సంఘాలకు పెద్దలకు సోదర సోదరీమణులకు ఒక విజ్ఞప్తి. బ్రాహ్మణ సంక్షేమ భవన్ ద్వారా మీరు సహాయాలను అందించేందుకు ప్రయత్నం చేయండి* అప్పుడు ఎలాంటి ఇబ్బందులు లేకుండా మీరు సునాయాసంగా మీకు తోచిన విధంగా సహాయం చేయవచ్చు వివరాలు ఇలా ఉన్నాయి.

బ్రాహ్మణ సాంకేతిక నిపుణులతో ఒక ప్రత్యేకమైన ప్యాకేజీని మేము తయారు చేశాం సదరు సాఫ్ట్ వేర్లు ఎలా పనిచేస్తాయి అంటే

ముందుగా లబ్ధిదారులు ఎవరైనా సరే వారి ఇంటి పేరు పేరు మొబైల్ నెంబరు మరియు ఇతర వివరాలు అన్ని తెలియజేస్తూ కుటుంబ సభ్యులతో సహా ఆన్లైన్లో పేరు నమోదు చేసుకోవాలి ఇలా చేసుకున్న తర్వాత వారికి ఒక అకౌంట్ నెంబర్ ఇవ్వడం జరుగుతుంది ఇది పూర్తిగా ఉచితం

ఈ యొక్క అకౌంట్ నెంబరు ఎలా పని చేస్తుంది అంటే బ్యాంకులో అయితే కేవలం నగదు లావాదేవీలు మాత్రమే ఫీడ్ చేస్తారు కానీ బ్రాహ్మణ సంక్షేమ భవన్ ద్వారా అకౌంట్ నెంబరు పొందిన పేద మధ్యతరగతి కుటుంబాల వారికి మనం ఎలాంటి సేవ చేసినా కూడా అదే అకౌంట్ నెంబర్ పై మీరు చేసిన సహాయాలు నమోదు చేయబడతాయి ఉదాహరణకు

3434 అనే అకౌంట్ నెంబరు ఒకరికి కేటాయించిన అప్పుడు అకౌంట్ నెంబరు వివరాలు అన్నీ కూడా ఆన్ లైన్ లో ఉంటాయి ప్రపంచంలో ఎక్కడైనా కూడా వెబ్సైట్లో వీరి వివరాలు చూడవచ్చు అలాగే వారికి కావాల్సిన సహాయం మీరు యథేచ్ఛగా చేయవచ్చు చేసినప్పుడు ఆ సహాయాన్ని సదరు అకౌంట్ లో నిక్షిప్తం కూడా చేయవచ్చు తద్వారా ఒక కుటుంబానికి సంబంధించిన బ్రాహ్మణ లబ్ధిదారులు మీ ద్వారా ఎన్నిమార్లు లబ్ధి పొందారు అన్న విషయం క్లారిటీ ఉంటుంది… అలాగే అదే లబ్ధిదారుడు వేరే ఇతర బ్రాహ్మణ సంఘం నుంచి కూడా సహాయాన్ని పొందినప్పుడు మనమధ్య సమన్వయం గనక ఉంటే కలసి పని చేస్తే మీ వద్దకు సహాయం కోసం వచ్చిన ప్రతివారికి మీరు మీరు ఆన్లైన్లో లో అకౌంట్ ఓపెన్ చేసుకుని ఆ అకౌంట్ నెంబర్ పైన మాత్రమే రిక్వెస్ట్ పెట్టమని చెప్పగలిగితే లబ్ధిదారుడు ఎక్కడికి వెళ్ళినా అకౌంట్ నెంబర్ ద్వారా మాత్రమే లబ్ధి పొందే అవకాశం ఉంటుంది.

నాలుగు దశాబ్దాల పాటు ఎన్నో బ్రాహ్మణ సంఘాలు కొన్ని వేల మంది బ్రాహ్మణ పెద్దలు చేస్తున్న సహాయ లకు చాలామంది ఇది సహాయం పొంది కూడా సదరు పెద్దలను సంఘాలను ఇబ్బంది పెడుతున్న సందర్భం అలాగే బ్రాహ్మణ కుటుంబాలకు సహాయం చేసే దిశలో ముందుకు వెళ్తున్నారు పెద్దలు మరియు బ్రాహ్మణ సంఘాలు సమన్వయంతో పని చేయకపోవడం వల్ల బ్రాహ్మణ సంఘాలు పెద్ద ల వల్ల సహాయాలు పొందినవారు పొందినట్లు గానే అంతర్థానం అవుతున్నారు మళ్లీ ఇతరుల వద్దకు వెళ్లి సహాయాలు పొందుతూనే ఉన్నారు ఇంకా దురదృష్టమేమిటంటే ఒక సంఘం వద్ద నుండి సహాయాన్ని పొందండి మరో సంఘం వద్ద వారేమీ చేయలేదండి అంటూ అబద్ధాలు కూడా చెబుతున్నారు దీనివల్ల బ్రాహ్మణ సమాజ అభివృద్ధి తీవ్రంగా ఉంది

కనుక బ్రాహ్మణ సహాయాలు చేయడానికి మనమందరం కట్టుబడి ఒకే బాటలో పయనిస్తే తప్పా మన సమాజాభివృద్ధి శూన్యం అవుతుంది

ఇందులో లోపు ఉచితంగా సాఫ్ట్వేర్ను అందరికీ పంచాలన్న తాపత్రయమే తప్ప మరి ఎలాంటి ఇ స్వార్థపూరితమైన నా ఆలోచన లేదు ఇది చదివిన బ్రాహ్మణ పెద్దలు వీలున్నంతవరకూ ఒకసారి వాట్సాప్ మెసేజ్ పెట్టి మీ అభిప్రాయం తెలియజేస్తే నేను మీకు వెంటనే కాల్ చేసి మాట్లాడగలను.

కొత్త నెంబర్ నుండి ఫోన్ లు వస్తే సమాధానం ఇవ్వలేకపోవచ్చు కనుక మీరు కేవలం వాట్సాప్ లో మీ సమాచారం ఇవ్వండి చదువుకుని వెంటనే మాట్లాడడం జరుగుతుంది.

*బ్రాహ్మణ కుల ద్రోహులు అవ్వకండి*

బ్రాహ్మణ మిత్రులారా పెద్దలారా దయచేసి ఇ నా మాటను వినండి

కరోనా విపత్తు వల్లగాని లేదా ఆదాయం లేకుండా మీరు మీ కుటుంబం ఇబ్బందులు పడుతున్న సమయంలో లేదా మీకు ఎవరి అండా లేనప్పుడు తప్పకుండా మీకు సహాయం చేయడానికి మీ మీ ప్రాంతాల్లో ఎంతో మంది పెద్దలు బ్రాహ్మణ సంఘాలు ఉన్నాయి

బ్రాహ్మణ సంఘాల వద్ద అ లేదా బ్రాహ్మణ సంక్షేమ భవన్ వద్ద లేదా బ్రాహ్మణ పెద్దల ద్వారా సహాయం పొందడానికి ఒక్కసారి మీ మీ ఆర్థిక పరిస్థితిని ఆలోచన చేసుకోండి మీరు బ్యాంకులో డబ్బులు పెట్టుకుని లేదా ఆస్తులు పెట్టుకుని చేతికి ఉంగరాలు పెట్టుకుని కార్ వేసుకుని వచ్చి సహాయం అడగడం పద్ధతి కాదు మరియు మీరు మీరు పేద మధ్య తరగతి కుటుంబాల వారికి చెందాల్సిన సహాయాన్ని కొల్లగొట్టే బ్రాహ్మణ ద్రోహులుగా మిగిలిపోతారు.

బ్రాహ్మణ సహాయాలు చేసేవారిని మాటలు అనడానికి లేదా దూషణ చేయడానికి మీకు ఎలాంటి అర్హత లేదు అలాగే సగటు కుటుంబం నడవడానికి ఇబ్బంది పడుతున్న బ్రాహ్మణ సోదరులకు మీరు సహాయం అందించక పోగా బ్రాహ్మణ సంఘాలు లేదా పెద్దలు చేస్తున్న సహాయాన్ని మీరు తన్నుకోవడం అడవి మృగాల లక్షణం ఎన్ని మాటలు చెప్పినా కూడా మీరు మారరు అని తెలిసి కూడా చేస్తున్న చిరు ప్రయత్నం.

*కుటుంబ పరిస్థితి ఇ బాగా క్షీణించి ఇబ్బందుల్లో ఉన్నా బ్రాహ్మణ కుటుంబాల వారికి ప్రత్యేకమైన విన్నపం*

మిత్రులారా పై విధంగా వివిధ రకాలైన దాడులను విమర్శలను ద్రోహులను మేము ఎదుర్కొంటూ కూడా ఇంకా ఏదో ఒక విధంగా మీ వద్దకు చేరుకోవాలని ప్రయత్నం చేస్తున్నాం కనుక మీకు నిజంగా కుటుంబం గడవడానికి బాగా ఇబ్బంది ఉంటే దయచేసి ఈ క్రింది మెసేజ్ ను మీరు మాకు పెట్టండి

*గిరి ప్రసాద్ గారు మీరు పెట్టిన పూర్తి మెసేజ్ చదివి నాము మా కుటుంబానికి ఆదాయం సరిగా లేదు కనుక ఒక్కపూట మీరు లేదా మీకు సంబంధించిన వారు మా ఇంటికి విచ్చేసి మా పరిస్థితిని చూసి మీకు తోచిన సహాయం చేయాల్సిందిగా విజ్ఞప్తి చేస్తున్నాం*

స్వస్తి

కళ్ళే గిరి ప్రసాద్ శర్మ
వ్యవస్థాపక అధ్యక్షులు బ్రాహ్మణ సంక్షేమ భవన్ హైదరాబాద్

నా వాట్సాప్ నెంబర్
9701609689

*కాల్స్ స్వీకరించబడవు*